السلام عليكم ورحمة الله وبركاته
انتظر صبحك .. صباحة كل عيد
وألبس أشواقي .. وولاتشرق أبد !
واعتذر لي عنْك يالغالي البعيد
وأمسح دموعي عن عيوني بعد !
[ وابتسم ].. واطمن احساسي العنيد
بان بين عيونك وطيفي وعد !
وايدي افردها .. وادفيها بـ ايد ..
واحضن ضلوع اتزاحم بالنكد
وافتح لصدري شبابيك القصيد
علّي القى به عقب ضيقي سعد !
هذا حالي في غيابك.. لاجديد!
ميّت لحالي.. وولا يدري أحد !
حتى وان زاد الجفا ..[ حبي يزيد ]
مثل همي .. والتوجد .. والسهد
ما فـ هالدنيا عقب عينك فقيد !
وما فـ هالدنيا عقب عينك بلد !
×× * ××
تظن إن منزلك عندي
صغير وما أفقدك
لاغبت ..؟!!
عسى الله لا يبين لك ..
غ ـلاك وقدرك الخافي ..
أنا لو جيت أبوصف لك مكانك
عندي وحاولت ..
بقدم لك سكوتي ..
ما أحس إن الحكي..
[ كافــي ~ ]
×× * ××
كــذا يعــــنـــــي !!
تغيب وماتودعني !!
وانا خلّك .. وتعرفني ..
أموت أهون علي .. ولا ..
أسولف لك .. وثم فجأه ..
ما ألقاك تسمعني !!
كذا يعني !!
دخيلك لاتخليني فـ ذمّة هالظنون أكثر ..
وانا خوفي عليك أكثر ..
وأخاف الظن يفجعني !!
دخيلك لا
دخيلك لا .. !
أنا من هالغياب أولى !!
حرام أذبل عشانك وأنت ماتقصد تضيعني !!
صدقني حرام أذبل
صدقني ..
انا ابي بس تسمعني ..
تصوّر !!
"بس تسمعني" !
×× * ××
لا تغيب ..!!
أنا ما اتحمل غيابك يالحبيب
قول وش تبغى وانا لك بستجيب
بس تكفى لا تغيب...!!
كيف تتركني بدنيا مالي فيها أي احد ؟؟
غيرك انت وذكرياتي ؟؟
ياحياتي
ليش تتركني بدنيا انكوي منها بعد ؟؟
وانت احساسي وذاتي ؟؟
اجرح فؤادي وروحي بيدك وتامر عليها
ودمعة ياما همست بأذني كنت تموت فيها
سو كل اللي تبي فيني انا عيوني حلالك
بس تكفى لاتغيب ....!!!
×× * ××
تعب هالحِمْل
ياذا الصدر
ضياع وغربتي دونه
وخوفي يمشي هذا العمر
وافارق من يحبوني !!
أفارق منهو بصدري
مكانه القـلب ،
واضيّعني ولا القاني
واتوهـ وقلبه ينساني
وأفقد روحي من بُعده
وهو يتسلَّى بجروحي !!
ويسألني عن البسمة
وانا الأحزان غطتني ..
عن الشفة اللي مبتسمة
وعن منهو اللي حطمني ؟
تعال اسئل عيوني
من ذرفتي الدمع تبكي له ؟
ومنهو اللي سهرتي تنطرين إيده
و تناديله .. !
وعن اسباب السواد اللي سكن عيني
وأوراقي ،
وحطّم داخلي أعماقي ... !!
تعال اسأل بقايا ارواحنا فينا ..
من اللي سار في دربه ..
ولا فكَّر بـ َ احد غيرهـ
تلاقيهم سوى يردُّون
منو غيرك ؟
×× * ××
ياحبيبي
تدري وش يسوي غيابك ؟؟؟
لو تغيب
تدري وش معنى حياتي ؟؟؟
لو تغيب
صدق الدنيا بدونك مالها لون وملامح
ومالها عندي هدف
خاليه وانت تعرف
ان قلبي مايعيش الا عشانك
ولا يبي الا حنانك
خلك معي ياحبيبي ولا تزيد تعذيبي
انا حبيبك ترى وهذا هو قليبي
اللي حبك واهمل الدنيا وراه
اللي حطك داخل عروقه معاه
ياحبيبي قرب وخلك قبالي
حط عينك وسط عيني,,,حط عينك وسط عيني
قول انا ودي اغيب قولها ولك بستجيب
شفت ياعمري وياحبي ويا اعذب سنيني
تقدر تسوي كل شي فيني انا كلي حلالك
بس ماتقدر ولو لحظه عن عيوني
تـــغـــيــــــــــــب ؟؟؟؟؟
منقولــ
![[ تغَيب ومَاتودعَني ,, وأنآ خَلك وتِعرفنيِ ] Empty](https://2img.net/i/empty.gif)
